26 лютага, Мінск /Кар. БЕЛТА/. Рассельгаснагляд перанёс увядзенне забароны на пастаўкі малака з Беларусі на 18.00 6 сакавіка. Гэту інфармацыю пацвердзілі карэспандэнту БЕЛТА ў Мінсельгасхарчы Беларусі.
Раней Рассельгаснагляд інфармаваў, што абмяжуе ўвоз у Расію беларускага малака і некаторых іншых відаў малочнай прадукцыі з 26 лютага.
Сёння ў Маскве прайшлі перагаворы па ўрэгуляванні сітуацыі з забаронай на пастаўкі малака з Беларусі. Ад беларускага боку ў перагаворах удзельнічалі намеснік прэм'ер-міністра Міхаіл Русы, міністр сельскай гаспадаркі і харчавання Леанід Заяц.-0-