20 лютага, Мінск /Кар. БЕЛТА/. Федэральная служба па ветэрынарным і фітасанітарным наглядзе (Рассельгаснагляд) адмяніла раней уведзеныя абмежаванні на пастаўкі ў Расію сыроў вытворчага філіяла ААТ "Савушкін прадукт" у Камянцы (былы Камянецкі сыраробны завод). Такая інфармацыя размешчана на сайце расійскага ведамства, паведамляе БЕЛТА.
Абмежаванні зняты ў адпаведнасці з дарожнай картай двухбаковага супрацоўніцтва Рассельгаснагляду і Дэпартамента ветэрынарнага і харчовага нагляду Міністэрства сельскай гаспадаркі і харчавання Беларусі.
Прадукцыя, прызначаная для паставак у Расію, павінна быць выраблена з 21 лютага 2019 года і суправаджацца электронным ветэрынарным сертыфікатам.-0-