27 ліпеня, Мінск /Кар. БЕЛТА/. Прэм'ер-міністры краін Еўразійскага эканамічнага саюза на пасяджэнні ў Санкт-Пецярбургу падпісалі рашэнне аб правядзенні кансультацый па стварэнні агульнага газавага рынку. Аб гэтым заявіў прэм'ер-міністр РФ Дзмітрый Мядзведзеў на прэс-канферэнцыі па выніках пасяджэння Еўразійскага міжурадавага савета, паведамляе ТАСС.
Паводле яго слоў, на сённяшнім пасяджэнні гэта тэма абмяркоўвалася даволі доўга.
"Там ёсць пакуль яшчэ няўзгодненыя краінамі падыходы, у тым ліку звязаныя з транспарціроўкай і тарыфам, які павінен выпрацоўвацца, - гэта значыць, платай за транспарціроўку газу. Але мы дамовіліся правесці пэўны мазгавы штурм, я толькі што падпісаў разам з іншымі сваімі таварышамі рашэнне міжурадавага савета аб тым, каб правесці кансультацыі - спачатку на ўзроўні міністраў энергетыкі, потым, я думаю, мы папрацуем у рамках нашай (Еўразійскай эканамічнай) камісіі, а потым ужо сустрэнемся ў фармаце міжурадавага савета. Думаю, гэта можа быць адной з цэнтральных вялікіх тэм", - сказаў Дзмітрый Мядзведзеў.-0-
