18 кастрычніка, Мінск /Кар. БЕЛТА/. Міжведамасная рабочая група для выпрацоўкі прапаноў па ўдасканаленні заканадаўства аб дзяржаўных закупках, у тым ліку адносна лекавых сродкаў і медыцынскіх вырабаў, створана распараджэннем прэм'ер-міністра ад 16 кастрычніка 2018 года нумар 309р, паведамляе БЕЛТА са спасылкай на сайт урада.
Кіраўніком рабочай групы назначаны міністр антыманапольнага рэгулявання і гандлю Уладзімір Калтовіч. Міжведамаснай рабочай групе даручана да 1 снежня распрацаваць і ўнесці ў Савет Міністраў прапановы па ўдасканаленні заканадаўства аб дзяржзакупках.
Каардынацыя работы па выкананні распараджэння ўскладзена на першага намесніка прэм'ер-міністра Аляксандра Турчына і намесніка прэм'ер-міністра Ігара Петрышэнку.-0-
