16 лютага, Мінск /Юлія Дылянок - БЕЛТА/. У Кітайска-беларускім індустрыяльным парку "Вялікі камень" зарэгістраваны новы рэзідэнт - ТАА "Міжнародная тэхналагічная кампанія "Інтэлектуальнае абсталяванне", якая зоймецца даследаваннямі, распрацоўкай, выпрабаваннямі і маркетынгам экалагічных беспілотных аўтамабіляў міжнароднага ўзору на новых крыніцах энергіі. Аб гэтым карэспандэнту БЕЛТА паведаміў першы намеснік генеральнага дырэктара СЗАТ "Кампанія па развіцці індустрыяльнага парка" Кірыл Карацееў.
Дагаворам прадугледжана, што інвестар на працягу 2018-2020 гадоў пабудуе навукова-даследчы цэнтр агульнай плошчай больш за 30 тыс. кв.м. Аб'ём інвестыцый складзе каля $5 млн.
Паводле слоў Кірыла Карацеева, беспілотныя тэхналогіі на гэты момант з'яўляюцца самай высокай кропкай увасаблення прыкладной галіны штучнага інтэлекту.
У беспілотнае аўтамабілебудаванне ўключаны буйнейшыя сусветныя прадпрыемствы. Мяркуецца, што на працягу двух гадоў тэхналогіі беспілотных аўтамабіляў атрымаюць імклівае развіццё. Даход у гэтай галіне за дзесяцігоддзе перавысіць $2 трлн.-0-
