25 красавіка, Мінск /Кар. БЕЛТА/. Нацыянальны банк Беларусі захоўвае планы па адмене абавязковага продажу валютнай выручкі з сярэдзіны 2018 года. Аб гэтым паведаміў сёння журналістам намеснік старшыні праўлення Нацбанка Дзмітрый Калечыц на канферэнцыі "Лічбавы банкінг", перадае карэспандэнт БЕЛТА.
"Мы ўнеслі ў органы дзяржаўнага кіравання нашы прапановы па адмене абавязковага продажу з сярэдзіны года. Будзем абмяркоўваць, глядзець рэакцыю іншых удзельнікаў", - сказаў Дзмітрый Калечыц.
Канкрэтную дату адмены намеснік старшыні Нацбанка не ўдакладніў. "Усё залежыць ад працэсу ўзгаднення адпаведных дакументаў. Мы ўнеслі свае прапановы", - дадаў ён.-0-
