20 красавіка, Мінск /Кар. БЕЛТА/. Нацыянальны банк Беларусі 19 красавіка ў выніку правядзення аўкцыёну па першасным размяшчэнні аблігацый, намініраваных у беларускіх рублях, выключыў з банкаўскай сістэмы Br900 млн збыткоўнай ліквіднасці, паведамілі БЕЛТА ў Нацбанку.
Да аўкцыёну па першасным размяшчэнні аблігацый было дапушчана 59 заявак ад 22 удзельнікаў са стаўкамі ад 9,9 працэнта да 11,49 працэнта гадавых на агульную суму Br1,037 млрд. "Прынята рашэнне аб прызнанні аўкцыёну праведзеным, фактычны аб'ём размяшчэння склаў Br900 млн. Сярэднеўзважаная стаўка склала 10,42 працэнта гадавых, задаволена 48 заявак ад 21 удзельніка", - паведамілі ў Нацбанку. Тэрмін абарачэння аблігацый - 28 дзён.
На 19 красавіка астатак сродкаў на каррахунках банкаў - Br1,25 млрд.
Збыткоўная ліквіднасць сведчыць аб наяўнасці значнай сумы свабодных невыкарыстоўваемых грошай у банкаўскай сістэме. Прымяненне інструментаў па выключэнні збыткоўнай ліквіднасці абумоўлена неабходнасцю дасягнення мэт доўгатэрміновага характару, што аказваюць уплыў на банкаўскую сістэму і эканоміку ў цэлым. У прыватнасці, гэта падтрыманне стабільнасці абменнага курса, працэнтных ставак на пэўным узроўні, забеспячэнне стабільнасці і прадказальнасці фінансавага рынку.-0-
