24 студзеня, Мінск /Юлія Дылянок - БЕЛТА/. Нацыянальны банк Беларусі прагназуе зніжэнне стаўкі рэфінансавання да 9,5-10,5 працэнта да канца года, паведаміў сёння журналістам начальнік галоўнага ўпраўлення манетарнай палітыкі і эканамічнага аналізу Нацыянальнага банка Дзмітрый Мурын, перадае карэспандэнт БЕЛТА.
"Паўтарэння мінулага года, калі стаўка рэфінансавання і іншыя стаўкі зніжаліся даволі хутка, чакаць не трэба, хоць магчымасці для далейшага зніжэння стаўкі рэфінансавання і ставак на крэдытным і дэпазітным рынках застаюцца і ў бягучым годзе. Але тэмпы будуць значна ніжэйшыя. На наш погляд, падлічваецца, што стаўка рэфінансавання можа быць зніжана да 9,5-10,5 працэнта гадавых у залежнасці ад таго, як будзе складвацца макраэканамічная сітуацыя ў краіне", - сказаў Дзмітрый Мурын.
Паводле яго слоў, Нацыянальны банк Беларусі прадоўжыць праводзіць тую грашова-крэдытную палітыку, якую праводзіў папярэднія тры гады.-0-
