10 мая, Мінск /Кар. БЕЛТА/. Механізм стварэння ў Беларусі міністэрства лічбавай эканомікі можа быць вызначаны ў чэрвені, паведаміў міністр сувязі і інфарматызацыі Сяргей Папкоў у прэс-цэнтры БЕЛТА.
"Сёння ідзе адпрацоўка - як гэта зрабіць, будзе гэта новае міністэрства або на базе якога-небудзь ведамства. У бліжэйшы час вы даведаецеся, думаю, у чэрвені", - сказаў Сяргей Папкоў.
Паводле яго слоў, ва ўрадзе ўжо адбыўся шэраг нарад, дзе абмяркоўвалася гэта тэма, Міністэрства сувязі і інфарматызацыі таксама прымае ўдзел у вырашэнні пытання аб стварэнні міністэрства лічбавай эканомікі.
Як паведамлялася, кіраўнік дзяржавы даручыў ураду ўнесці прапановы па стварэнні міністэрства лічбавай эканомікі. Падрыхтоўкай прапаноў займаецца Савет па развіцці лічбавай эканомікі, куды ўваходзяць прадстаўнікі дзяржорганаў, бізнесу, IT-сферы.-0-
