Поўная версія

МАРГ лічыць неабходным распрацаваць тарыфныя і цэнавыя рэгламенты па кожнай галіне

Эканоміка 14.02.2018 | 14:19

14 лютага, Мінск /Юлія Дылянок - БЕЛТА/. Міністэрства антыманапольнага рэгулявання і гандлю лічыць неабходным распрацаваць тарыфныя і цэнавыя рэгламенты па кожнай галіне. Аб гэтым заявіў міністр антыманапольнага рэгулявання і гандлю Уладзімір Калтовіч на падагульняючай калегіі МАРГ, перадае карэспандэнт БЕЛТА.

"Павінны быць распрацаваны тарыфныя і цэнавыя рэгламенты па кожнай галіне. Часткова работу ў гэтым напрамку МАРГ вядзе. Пасля абмеркавання ў прэм'ер-міністра гэтага пытання мы разаслалі ўсім дзяржаўным органам пісьмы, у якіх паведамілі, што ў далейшым матэрыялы, што выносяцца на разгляд камісіі па пытаннях дзяржаўнага рэгулявання цэнаўтварэння, будуць прымацца, зыходзячы з методык, распрацаваных па кожнай галіне", - сказаў Уладзімір Калтовіч.

Міністр канстатаваў, што пакуль у Беларусі няма пераведзенага ў лічбавы варыянт тарыфнага сшытка нават на сярэднетэрміновы перыяд. Гэта не дазваляе суб'ектам гаспадарання планаваць сваю дзейнасць, а інвестарам разлічваць магчымасці. Адна з прычын - адсутнасць сістэмы абгрунтаваных эканамічных разлікаў па ўстанаўленні тарыфаў і цэн як натуральнымі манаполіямі, так і прадпрыемствамі, што займаюць дамінуючае становішча. "У выніку мы ў дадатак да ўсяго маем яшчэ і значны прырост цэн, які нічым не апраўданы. Ён забяспечваецца толькі дасведчанасцю тых асоб, якія рыхтуюць аналітычныя матэрыялы", - сказаў Уладзімір Калтовіч.

Ён падкрэсліў, што неабходна выпрацаваць методыкі. "У мінулым годзе мы мелі рост цэн па малаку на 9,2 працэнта, інфляцыя - 4,6 працэнта. І ні адзін аблвыканкам не прадставіў эканамічнага абгрунтавання ўстанаўлення цэн на малако. У сувязі з гэтым мы правялі работу і ўключылі ўсе прадпрыемствы, што ўваходзяць у аб'яднанні аблмясамалпрамаў, у групу асоб, якія займаюць дамінуючае становішча. Мы разгледзім пытанне заключэння пагадненняў, якія з'яўляюцца абавязковымі для суб'ектаў гаспадарання па цэнавым рэгуляванні дамінантаў у адпаведнасці з заканадаўствам. Хутчэй за ўсё, у якасці агрэгаванага паказчыка мы прапануем узровень інфляцыі, а тым, хто захоча павысіць цэны вышэй за ўстаноўлены ўзровень, давядзецца выразна даказваць гэту неабходнасць", - адзначыў міністр.-0-

Навіны рубрыкі Эканоміка
Прадпрыемствы "Беллегпрама" прадставяць Беларусь на "Еўразійскім тыдні" ў Арменіі
19 кастрычніка, 18:05
Наглядальны савет Беларусбанка ўзначаліў Аляксандр Турчын
19 кастрычніка, 17:04
Беларусь прадставіць інвестыцыйны патэнцыял на форуме ў Жэневе
19 кастрычніка, 11:01
Аляксандр Шумілін. Фота з архіва Шумілін: сістэма прагназавання дасць магчымасць Беларусі вызначыць перспектыўныя сектары эканомікі
19 кастрычніка, 09:46
РФ дадаткова пералічыць Беларусі больш як $400 млн у якасці пошлін на нафту
19 кастрычніка, 09:17
ЕБРР, ЕІБ і Сусветны банк пачынаюць новае даследаванне прадпрыемстваў у Беларусі
18 кастрычніка, 19:36
Дзмітрый Матусевіч. Фота з архіва У Беларусі перафармаціруюць сістэму падтрымкі малога і сярэдняга прадпрымальніцтва
18 кастрычніка, 17:54
Рассельгаснагляд інспектуе беларускіх вытворцаў таматаў і пекінскай капусты
18 кастрычніка, 13:49
Эксперты ўзгодняць беларуска-індыйскі пратакол па далучэнні Беларусі да СГА
18 кастрычніка, 13:46
Поўная версія