Фота з архіва
16 красавіка, Мінск /Кар. БЕЛТА/. У Беларусі ёсць магчымасць нарошчваць тэмпы прамвытворчасці без істотнага павелічэння выкарыстання энергарэсурсаў. Аб гэтым расказаў у прэс-цэнтры БЕЛТА намеснік старшыні Дзяржстандарту - дырэктар Дэпартамента па энергаэфектыўнасці Віталь Крэцкі, перадае карэспандэнт БЕЛТА.
"Мы паглядзелі, як працуе наш прамысловы сектар. Тэмпы росту прамысловай прадукцыі павялічыліся прыкладна ў 1,5 раза, а спажыванне энергарэсурсаў знізілася амаль на 30 працэнтаў. Гэта сведчыць аб тым, што сёння мы можам нарошчваць тэмпы прамысловай вытворчасці без істотнага павелічэння выкарыстання энергарэсурсаў. Для гэтага ў нас створана нарматыўна-прававая база і выяўляюцца пэўныя рэзервы па павышэнні эфектыўнасці ў арганізацыях рэспублікі", - сказаў Віктар Крэцкі.
Так, напрыклад, тэмпы вытворчасці прадукцыі канцэрна "Белдзяржхарчпрам" у параўнанні з данымі 2016 года павялічыліся на 10 працэнтаў, пры гэтым спажыванне энергарэсурсаў знізілася на 20 працэнтаў.
"Мы паглядзелі, як працуе наш прамысловы сектар. Тэмпы росту прамысловай прадукцыі павялічыліся прыкладна ў 1,5 раза, а спажыванне энергарэсурсаў знізілася амаль на 30 працэнтаў. Гэта сведчыць аб тым, што сёння мы можам нарошчваць тэмпы прамысловай вытворчасці без істотнага павелічэння выкарыстання энергарэсурсаў. Для гэтага ў нас створана нарматыўна-прававая база і выяўляюцца пэўныя рэзервы па павышэнні эфектыўнасці ў арганізацыях рэспублікі", - сказаў Віктар Крэцкі.
Так, напрыклад, тэмпы вытворчасці прадукцыі канцэрна "Белдзяржхарчпрам" у параўнанні з данымі 2016 года павялічыліся на 10 працэнтаў, пры гэтым спажыванне энергарэсурсаў знізілася на 20 працэнтаў.
"Адзін з ключавых напрамкаў, які мы хочам рэалізаваць з Расіяй у бліжэйшы час, - укараненне сістэм энергетычнага менеджменту на прадпрыемствах, - падкрэсліў Віталь Крэцкі. - Сёння беларуская энергасістэма працуе з найлепшымі ўдзельнымі паказчыкамі па электраэнергіі на постсавецкай прасторы. Разам з тым, каб наша эканоміка і вытворцы былі канкурэнтаздольныя, неабходна далей развіваць энергаэфектыўныя мерапрыемствы і зніжаць удзельныя затраты на выпуск прадукцыі".-0-
Фота Марыі Андрыянец
