Сцяг Пятніца, 29 сакавіка 2024
Усе навіны
Усе навіны
Эканоміка
18 чэрвеня 2018, 11:06

"Камунарка" са жніўня плануе пачаць пастаўкі новай лінейкі цукерак на рынак Кітая

18 чэрвеня, Мінск /Кар. БЕЛТА/. Кандытарская фабрыка "Камунарка" са жніўня плануе пачаць пастаўкі новай лінейкі цукерак на рынак Кітая, паведаміў генеральны дырэктар "Камунаркі" Іван Данчанка ў эфіры тэлеканала СТБ, паведамляе БЕЛТА.

"Цяпер мы пастаўляем прадукцыю ў 19 краін свету - гэта ўсё краіны былога СССР, Балтыі, Германія, Венгрыя, ЗША, Канада, асвоілі рынак Ізраіля. Але актыўней за ўсё мы цяпер прабіваемся на рынак Кітая. Спецыяльна для гэтага рынку распрацавалі новы прадукт - лінейку цукерак. Яны менш салодкія, больш прэсныя. У трэцяй дэкадзе чэрвеня мы пачнём іх выпускаць і апрабуем на сваім унутраным рынку, а ўжо са жніўня масава пачнём прадаваць гэты прадукт на рынак Кітая", - расказаў гендырэктар.

Іван Данчанка адзначыў, што за апошнія гады фабрыка значна пераўзброілася. "Пастаўлены новыя тэхналагічныя лініі, на такіх лініях працуюць усе сусветныя карпарацыі. Без павелічэння колькасці персаналу на асноўнай вытворчасці за гэтыя гады мы ў 1,5 раза павялічылі і вытворчасць, і продажы, экспарт павялічыўся ў 2 разы. Рэнтабельнасць продажаў у бягучым годзе знаходзіцца ў межах 18-20 працэнтаў, у мінулым годзе яна склала 20,5 працэнта", - расказаў ён.

Гендырэктар паведаміў, што ў мадэрнізацыю за апошнія гады ўкладзена да $40 млн. "Мэта адна - канкурэнтаздольнасць. Нам ёсць куды расці, таму мы сёння рэалізуем новы інвестыцыйны праект - толькі ў гэтым годзе накіруем на яго асваенне не менш як Br30 млн. Ужо з ліпеня-жніўня пачынае паступаць абсталяванне", - растлумачыў ён. Плануецца, што на новай лініі будуць вырабляцца шакалад і цукеркі метадам халоднай штампоўкі.-0-

Падпісвайцеся на нас у
Twitter
Топ-навіны
Свежыя навіны Беларусі