18 чэрвеня, Мінскі раён /Кар. БЕЛТА/. Па пераўтварэнні будаўнічай галіны Беларусі чакаецца вялікая работа, заявіў 15 чэрвеня журналістам намеснік прэм'ер-міністра Анатоль Калінін, перадае карэспандэнт БЕЛТА.
"У рамках рабочай групы, створанай на ўзроўні ўрада, разглядаем комплексна пытанні будаўнічай галіны, не толькі вытворчасці будаўнічых матэрыялаў, але і выканання паслуг будаўнічым кампаніям унутры краіны і за мяжой. Вельмі вялікая работа чакаецца па ўдасканаленні, пераўтварэнні будаўнічай галіны. Пастаўлена задача кіраўніком дзяржавы ў лістападзе-снежні далажыць аб прынятых мерах", - сказаў Анатоль Калінін.
Будаўнічая галіна павінна атрымаць новы імпульс развіцця. "Адна з задач заключаецца ў тым, каб стварыць галіну экспартна арыентаваную, якая зможа канкурыраваць не толькі на ўнутраным, але і на знешніх рынках нараўне з іншымі партнёрамі", - дадаў віцэ-прэм'ер.-0-
