3 мая, Мінск /Уладзімір Мацвееў - БЕЛТА/. Эканоміка Беларусі паказвае ўстойлівы збалансаваны рост. Аб гэтым заявіў прэм'ер-міністр Андрэй Кабякоў сёння на нарадзе ў кіраўніка дзяржавы, перадае карэспандэнт БЕЛТА.
"У першым квартале бягучага года выконваюцца ўсе важнейшыя параметры прагнозу, зацверджаныя кіраўніком дзяржавы. У тым ліку тэмп росту ВУП - 105,1 працэнта, экспарт тавараў і паслуг - 129,8 працэнта. Сальда знешняга гандлю - $206 млн. Інфляцыя ў межах прагнозу: сакавік да снежня - плюс 2,5 працэнта", - паведаміў Андрэй Кабякоў.
Паводле яго слоў, валавая дабаўленая вартасць прырастае ва ўсіх сектарах эканомікі - у прамысловасці, будаўніцтве, сельскай гаспадарцы, гандлі, транспартнай дзейнасці.
"У цэлым эканоміка паказвае ўстойлівы збалансаваны рост", - сказаў прэм'ер-міністр.-0-
