Сцяг Чацвер, 28 сакавіка 2024
Усе навіны
Усе навіны
Эканоміка
17 кастрычніка 2017, 12:32

Інвестыцыі Беларусі ў Азербайджан за 10 гадоў дасягнулі $1 млрд

17 кастрычніка, Баку /БЕЛТА - Trend/. Нацыянальная канфедэрацыя арганізацый прадпрымальнікаў (работадаўцаў) Азербайджана і Беларуская гандлёва-прамысловая палата падпісалі мемарандум аб супрацоўніцтве ў рамках азербайджана-беларускага бізнес-форуму ў Баку.

Мемарандум падпісалі старшыня БелГПП Уладзімір Улаховіч і кіраўнік канфедэрацыі Мамед Мусаеў.

Уладзімір Улаховіч паведаміў, што за апошнія 10 гадоў інвестыцыі Беларусі ў Азербайджан дасягнулі $1 млрд. "У Беларусі дзейнічаюць 58 кампаній з азербайджанскім капіталам, у той жа час у Азербайджане працуюць 70 беларускіх кампаній", - сказаў ён.

Мамед Мусаеў у сваю чаргу адзначыў, што тавараабарот паміж Азербайджанам і Беларуссю вырас за апошнія гады ў сем разоў і дасягнуў амаль $100 млн. "Паміж дзвюма краінамі існуе шмат сфер для пашырэння супрацоўніцтва, такія як IT, сельская гаспадарка, фармацэўтыка і мноства іншых", - дадаў ён.-0-

Падпісвайцеся на нас у
Twitter
Топ-навіны
Свежыя навіны Беларусі