2 мая, Мінск /Міхаіл Маціеўскі - БЕЛТА/. Мадэль фарміравання зарплаты ў бюджэтнікаў павінна быць перагледжана. Такое меркаванне выказаў сёння журналістам старшыня Федэрацыі прафсаюзаў Міхаіл Орда па выніках сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.
"Сёння неабходна цалкам перагледзець мадэль фарміравання заработнай платы (у бюджэтнікаў. - Заўвага БЕЛТА). Яна вельмі грувасткая. Вельмі складана без спецыяльнай падрыхтоўкі разабрацца, як наогул фарміруецца гэта заработная плата", - сказаў Міхаіл Орда.
Прафсаюзы выступаюць не толькі за перагляд мадэлі фарміравання зарплаты бюджэтнікаў, але і за яе павышэнне. "Гэта людзі, якія займаюцца сацыяльным абслугоўваннем, тыя катэгорыі, якія сёння маюць патрэбу ў дадатковай увазе ў пытаннях заработнай платы", - падкрэсліў старшыня ФПБ.
Паводле яго слоў, у першую чаргу ў гэтым мае патрэбу нізкааплатная катэгорыя работнікаў.
"Прэзідэнтам дакладна і строга было сказана, што ўсе даручэнні кіраўніка дзяржавы, дадзены, і яны павінны быць выкананы неадкладна, гэтыя пытанні павінны быць вырашаны", - адзначыў Міхаіл Орда.-0-
