17 студзеня, Масква /Эдуард Півавар - БЕЛТА/. Калегія Еўразійскай эканамічнай камісіі (ЕЭК) устанавіла парадак увядзення ў дзеянне змяненняў у тэхнічны рэгламент Еўразійскага эканамічнага саюза (ЕАЭС) "Аб бяспецы ўпакоўкі", паведамілі БЕЛТА ў прэс-службе ЕЭК.
Змяненні ўступяць у сілу 21 мая 2017 года. Як адзначыў член Калегіі (міністр) па тэхнічным рэгуляванні ЕЭК Валерый Карашкоў, яны прадугледжваюць у тым ліку павышэнне ўзроўню патрабаванняў да арганалептычных паказчыкаў упакоўкі, што кантактуе з прадуктамі харчавання, уключаючы прадукты дзіцячага харчавання, а таксама ўстанаўленне патрабаванняў аб пазначэнні на ўпакоўцы інфармацыі аб матэрыяле, з якога яна выраблена.
У адпаведнасці з парадкам увядзення ў дзеянне змяненняў у тэхрэгламент, дакументы аб ацэнцы адпаведнасці, выдадзеныя да 21 мая 2017 года, дзейнічаюць і дапускаюць вытворчасць і выпуск у абарачэнне прадукцыі да завяршэння тэрміну іх дзеяння. Пры гэтым дапускаецца абарачэнне такой прадукцыі на працягу тэрміну захоўвання (тэрміну годнасці) гэтай прадукцыі.
Акрамя таго, на пасяджэнні Калегіі ЕЭК унесены змяненні ў праграму па распрацоўцы міждзяржаўных стандартаў да тэхрэгламенту "Электрамагнітная сумяшчальнасць тэхнічных сродкаў". Змяненнямі плануецца распрацоўка новых 36 міждзяржаўных стандартаў.-0-