Поўная версія

ЕБРР разлічвае ў 2017 годзе інвесціраваць каля 200 млн еўра ў эканоміку Беларусі

Эканоміка 13.09.2017 | 19:57
Сума Чакрабарці
Сума Чакрабарці

13 верасня, Мінск /Кар. БЕЛТА/. Еўрапейскі банк рэканструкцыі і развіцця разлічвае па выніках 2017 года інвесціраваць каля 200 млн еўра ў эканоміку Беларусі, паведаміў сёння журналістам прэзідэнт ЕБРР Сума Чакрабарці, перадае карэспандэнт БЕЛТА.

Прэзідэнт банка нагадаў, што супрацоўніцтва Беларусі і ЕБРР налічвае каля 25 гадоў, за гэты час банк уклаў у эканоміку краіны каля 2 млрд еўра. "У гэтым годзе мы спадзяёмся выйсці на суму каля 200 млн еўра інвестыцый", - растлумачыў Сума Чакрабарці. Ён удакладніў, што гэта крыху не дацягвае да рэкорднага значэння ў 250 млн еўра. "Але ў той жа час ёсць патэнцыяльныя праекты, якія могуць даць магчымасць нам нават перакрыць рэкордныя значэнні ў гэтым годзе", - адзначыў прэзідэнт ЕБРР.

Сума Чакрабарці нагадаў, што ў верасні мінулага года была прынята новая краінавая стратэгія. "Яна дае магчымасць нам больш шырока ўзаемадзейнічаць па шэрагу напрамкаў з рознымі сектарамі ў Беларусі. Спектр патэнцыяльных праектаў цяпер крыху шырэйшы, чым калісьці ў гісторыі ЕБРР. Гэта звязана з шэрагам фактараў, уключаючы паляпшэнні макраэканамічных умоў - у краіне ўпершыню за некалькі гадоў адзначаецца макраэканамічны рост. Таксама спрыяльна на эканамічную абстаноўку ўплывае вырашэнне шэрага пытанняў з Расіяй", - падкрэсліў ён.

Прэзідэнт ЕБРР таксама звярнуў увагу, што паляпшэнне сітуацыі звязана ў тым ліку з намаганнямі ўрада па паляпшэнні інвестыцыйнага клімату ў краіне. "Тут мы бачым больш шырокі спектр магчымасцей для нашага ўзаемадзеяння з урадам Беларусі, у прыватнасці, праз тое, што мы плануем удыхнуць новае жыццё ў дзейнасць кансультатыўных саветаў па інвестыцыях і прадпрымальніцтве. Такія органы могуць быць вельмі карыснымі праваднікамі перадавых ідэй і рэкамендацый ураду, прадстаўляючы інтарэсы прыватнага сектара, выслухоўваючы экспертнае меркаванне міжнародных фінансавых інстытутаў", - заявіў ён.

Сума Чакрабарці нагадаў, што ЕБРР сёння падпісаў тры мемарандумы з Беларуссю. Першы - дакумент аб выдзяленні Еўрасаюзам 6 млн еўра для падтрымкі МСП, другі накіраваны на пашырэнне крэдытавання ў мясцовай валюце, трэці дакумент - мемарандум аб узаемаразуменні паміж урадам Беларусі і Еўрапейскім банкам рэканструкцыі і развіцця па ўдасканаленні сістэмы кіравання дзяржаўнымі прадпрыемствамі.-0-

Навіны рубрыкі Эканоміка
Фота з архіва МТЗ паставіць у Азербайджан у 2017 годзе дадаткова 460 трактароў
22 верасня, 19:55
Указ аб развіцці гандлю і грамадскага харчавання пасадзейнічае захаванню якаснага абслугоўвання ў вёсцы - Калтовіч
22 верасня, 18:50
МАРГ правядзе растлумачальную кампанію па ўказе аб развіцці гандлю і грамадскага харчавання ў вёсцы
22 верасня, 18:18
Першае ў Беларусі прадпрыемства па вытворчасці тармазных калодак адкрылася ў Старых Дарогах
22 верасня, 16:07
Менш праверак і штрафы для "кантралёраў" - Анфімаў расказаў, як зменіцца кантроль у бізнес-сферы
22 верасня, 15:35
Апублікаваны пералік відаў алкагольнай прадукцыі для конкурсу на права імпарту
22 верасня, 15:16
Фота з архіва У Беларусі распрацоўваецца ўказ аб павышэнні зарплат вучоных
22 верасня, 14:22
Палата падатковых кансультантаў ствараецца ў Беларусі
21 верасня, 17:43
Тэхзаданне на распрацоўку Нацыянальнай сістэмы беспапяровага гандлю будзе ў лістападзе-снежні
21 верасня, 17:13
Поўная версія