Сцяг Пятніца, 29 сакавіка 2024
Усе навіны
Усе навіны
Эканоміка
18 мая 2018, 19:55

Дылерскія цэнтры Geely да канца лета адкрыюцца ва ўсіх абласных цэнтрах Беларусі

18 мая, Брэст /Кар. БЕЛТА/. Дылерскія цэнтры Geely да канца лета плануецца адкрыць ва ўсіх абласных цэнтрах Беларусі. Аб гэтым сёння ў Брэсце паведаміў журналістам начальнік аддзела маркетынгу і рэкламы СЗАТ "БЕЛДЖЫ" Уладзімір Падымака, перадае карэспандэнт БЕЛТА.

"У снежні 2017 года мы адкрылі два дылерскія цэнтры ў Мінску, у пачатку мая - у Гомелі. Сёння адкрыццё ў Брэсце. Таксама яны з'явяцца ў Віцебску, Гродне і Магілёве. На працягу трох месяцаў афіцыйныя цэнтры Geely будуць адкрыты ва ўсіх абласных цэнтрах Беларусі, - адзначыў Уладзімір Падымака. - Дынаміка продажаў ужо расце. У красавіку прададзена 183 аўтамабілі, 80 працэнтаў з іх рэалізаваны фізічным асобам. У асноўным цяпер прадаецца мадэль Atlas. У ліпені паступіць у продаж Emgrand X7, да восені трэцяя мадэль - бюджэтны аўтамабіль - Emgrand 7 седан".

У Брэсце сёння адбылася ўрачыстая цырымонія адкрыцця дылерскага цэнтра Geely. Салон размяшчаецца на вул. Марозава. Плошча шоу-рума складае 160 кв.м. Кліенты могуць набыць новы аўтамабіль, таксама ім прадастаўляюцца ўмовы для сэрвіснага абслугоўвання.

"Мы доўгі час вялі перагаворы з заводам" БЕЛДЖЫ", жадаючы атрымаць дылерства гэтай маркі. Упэўнены, гэты брэнд заваюе рынак і зойме сваю нішу ў нашай краіне, у Брэсце ў прыватнасці. Цяпер Беларусбанк, БПБ-Ашчадбанк прадастаўляюць для куплі аўтамабіля крэдыт пад 1,9 працэнта ў беларускіх рублях, што з'яўляецца выгаднай прапановай", - лічыць начальнік аддзела продажаў ТАА "Белаўтаномія" Аляксандр Міранюк.

Дылер Geely мае намер развіваць сетку сэрвіснага абслугоўвання на тэрыторыі ўсёй вобласці. Цяпер такія ўмовы прапануюцца кліентам у Брэсце і Кобрыне. "Завяршаецца будаўніцтва вялікага сэрвіснага цэнтра ў Баранавічах. Паралельна з ім у горадзе ўзводзіцца шоу-рум для продажу аўтамабіляў. Таксама мы маем намер працаваць у Пінску", - падзяліўся планамі Аляксандр Міранюк.-0-

Падпісвайцеся на нас у
Twitter
Топ-навіны
Свежыя навіны Беларусі