Сцяг Пятніца, 29 сакавіка 2024
Усе навіны
Усе навіны
Эканоміка
25 красавіка 2019, 12:18

Беларускія вучоныя распрацавалі тры мадэлі электрамабіля

25 красавіка, Мінск /Кар. БЕЛТА/. Беларускія вучоныя распрацавалі тры мадэлі электрамабіля, паведаміў сёння журналістам старшыня Прэзідыума Нацыянальнай акадэміі навук Беларусі Уладзімір Гусакоў перад пачаткам сесіі Агульнага сходу НАН, перадае карэспандэнт БЕЛТА.

"Мы распрацавалі ўжо тры мадэлі электрамабіля: невялікі грузавы, электрамабіль на базе Geely, а таксама мінівэн, які выклікаў вялікую цікавасць. Праводзім выпрабаванні. Да канца года мы вырабім ужо гэтыя электрамабілі, магчыма, і для продажу. Прадставім іх нашым інстытутам, каб яны маглі дэталёва правесці эксперыментальную праверку. Размясцілі элементную базу для вытворчасці на нашых прамысловых прадпрыемствах, таму ў нас ужо ёсць свае камплектуючыя. У планах у нас таксама перавод камунальнай машыны на электрарухавік, працуем у гэтым напрамку з БелАЗам, МАЗам", - сказаў Уладзімір Гусакоў.

У Мінску сёння праходзіць сесія Агульнага сходу Нацыянальнай акадэміі навук Беларусі - вышэйшага калегіяльнага органа кіравання Акадэміі навук. У яе рабоце прымаюць удзел амаль 500 прадстаўнікоў акадэмічнай, вузаўскай і галіновай навукі, маладыя вучоныя краіны, а таксама прадстаўнікі дзяржаўных органаў. На сесіі будуць разгледжаны вынікі дзейнасці ў 2018 годзе, задачы развіцця НАН Беларусі і навуковай сферы краіны на 2019 год, а таксама ўнясенне змяненняў у Палажэнне аб выбарах членаў НАН Беларусі.

Дзейнасць НАН Беларусі ў 2018 годзе ўнесла істотны ўклад у сацыяльна-эканамічнае развіццё краіны. НАН паспяхова выканала даведзеныя паказчыкі сацыяльна-эканамічнага развіцця. Агульны аб'ём шматпрофільных работ, выкананых у 2018 годзе за кошт усіх крыніц фінансавання, склаў Br682,9 млн, або 109,2 працэнта да 2017 года.-0-

Фота Максіма Гучака

Падпісвайцеся на нас у
Twitter
Топ-навіны
Свежыя навіны Беларусі