9 кастрычніка, Масква /Эдуард Півавар - БЕЛТА/. Беларускі гандлёвы дом намечана адкрыць у хуткім часе ў Краснаярску, паведамілі БЕЛТА ў прэс-службе пасольства Беларусі ў Расіі.
"Гатоўнасць да актыўнага супрацоўніцтва з беларускімі прадпрыемствамі пацвердзілі прадпрымальнікі Краснаярска на нарадзе з удзелам прадстаўнікоў адміністрацыі горада і кіраўніцтва аптова-размеркавальнага цэнтра "Агратэрмінал", - адзначылі ў прэс-службе. - У прыватнасці, абмяркоўвалася пытанне адкрыцця ў бліжэйшы час гандлёвага дома, які спецыялізуецца на рэалізацыі беларускай прадукцыі".
Нарада ў аддзяленні пасольства Беларусі ў Краснаярску адбылася ў рамках рэалізацыі дамоўленасцей, дасягнутых у час візіту дэлегацыі Краснаярска ў Мінск 16-18 верасня.-0-