1 жніўня, Мінск /Кар. БЕЛТА/. Беларусь з 1 жніўня зніжае экспартныя пошліны на нафту і нафтапрадукты, якія вывозяцца за межы мытнай тэрыторыі Еўразійскага эканамічнага саюза (ЕАЭС). Адпаведнае рашэнне змешчана ў пастанове Савета Міністраў нумар 571 ад 28 лiпеня 2018 года, паведамляе БЕЛТА са спасылкай на сайт урада.
Стаўка экспартнай пошліны на сырую нафту зніжана з $139,1 да $135,4 за 1 т. Пошліна на прамагонны бензін зменшылася з $76,5 да $74,4 за 1 т, на таварныя бензіны - з $41,7 да $40,6 за 1 т.
Пошліна на лёгкія, сярэднія дыстыляты складае $40,6 за 1 т (была $41,7). Такая ж пошліна ўстаноўлена адносна дызельнага паліва, бензолу, талуолу, ксілолаў, змазачнае і іншае масла.
Папярэдні раз стаўкі вывазных мытных пошлін адносна сырой нафты і асобных катэгорый тавараў, выпрацаваных з нафты, змяняліся 1 ліпеня. Тады яны былі павышаны.-0-
