Поўная версія

Беларусь упершыню ў суверэннай гісторыі адмовілася ад імпарту электраэнергіі

Эканоміка 21.02.2018 | 14:07
Фота з архіва
Фота з архіва

21 лютага, Астравецкі раён /Кар. БЕЛТА/. Беларусь упершыню ў суверэннай гісторыі адмовілася ад імпарту электраэнергіі, гэта стала магчымым дзякуючы мадэрнізацыі і пагадненням па газе, паведаміў міністр энергетыкі Уладзімір Патупчык сёння на падагульняючай калегіі Мінэнерга, перадае карэспандэнт БЕЛТА.

"Праведзеная мадэрнізацыя беларускай энергасістэмы і дасягнутыя дамоўленасці на ўзроўні кіраўнікоў дзяржаў і ўрадаў Расіі і Беларусі па цэнах на газ для краіны далі магчымасць з 2018 года ўпершыню ў суверэннай гісторыі поўнасцю адмовіцца ад імпарту электрычнай энергіі з-за межаў Беларусі", - нагадаў Уладзімір Патупчык.

У гэтых умовах "Белпалівагазу" і газазабеспячальным арганізацыям трэба наладзіць бесперабойнае забеспячэнне аб'ектаў энергасістэмы, правесці неабходную работу з "Газпрам трансгаз Беларусь" у рамках дагаворных адносін. "Задача "Белэнерга" і энергазабеспячальным арганізацыям - забяспечыць эфектыўную работу энергасістэмы", - падкрэсліў міністр.

За апошнія 5 гадоў вытворчасць электраэнергіі ў Беларусі павялічылася на 2,1 млрд кВт.гадз (на 7,4 працэнта), у тым ліку на 567 млн кВт.гадз, або ў 4 разы, за кошт выкарыстання мясцовых і аднаўляльных паліўна-энергетычных рэсурсаў. Імпарт электрычнай энергіі зніжаны на 3,9 млрд кВт.гадз (на 53,4 працэнта), удзельны расход паліва на вытворчасць 1 кВт.гадз электраэнергіі знізіўся на 24 г (з 256,1 г умоўнага паліва на 1 кВт.гадз да 232,1 г на 1 кВт.гадз).

Спажыванне імпартуемага паліва з 2013 года зніжана на 3,2 млн т умоўнага паліва, што эквівалентна 2,8 млрд куб.м прыроднага газу і адпавядае змяншэнню нагрузкі на валютны рынак краіны на $532 млн.

Мінулы 2017 год вылучаецца ростам аб'ёмных паказчыкаў, што абумоўлена павелічэннем энергаспажывання ў краіне. Спажыванне электраэнергіі павялічылася на 1,6 працэнта, цеплавой энергіі - амаль на 1 працэнт. Пры гэтым павелічэнне водпуску электраэнергіі забяспечана за кошт росту ўласнай вытворчасці (на 1,9 працэнта да 2016 года) і зніжэння імпарту электраэнергіі (на 14 працэнтаў). Аб'ём водпуску прыроднага газу спажыўцам таксама павялічыўся - на 2,1 працэнта ў параўнанні з 2016-м.-0-

Навіны рубрыкі Эканоміка
Фота Міністэрства эканомікі Беларусі Беларусь і Вялікабрытанія абмеркавалі перспектывы інвестыцыйнага супрацоўніцтва
Учора 18:54
Знешэканамбанк Расіі адкрые Беларусбанку крэдытную лінію на $30 млн
Учора 16:36
У Беларусь прыбыў першы грузавы поезд з кітайскай правінцыі Хэбэй
Учора 14:43
Беларусь у ліпені прадставіць Еўракамісіі прапановы па каардынацыі лічбавых праектаў EU4Digital
Учора 10:51
Беларуска-швейцарскі камітэт па гандлі аднавіў работу пасля трохгадовага перапынку
20 чэрвеня, 18:25
Нацбанк з 27 чэрвеня зніжае стаўку рэфінансавання да 10 працэнтаў гадавых
20 чэрвеня, 18:00
Фота з архіва МАРГ: у Беларусі прапануецца ўвесці новы механізм для папярэджання неабгрунтавана высокіх цэн на лякарствы
20 чэрвеня, 17:29
Брытанскія кампаніі зацікаўлены ў закупцы беларускіх піламатэрыялаў на біржы
20 чэрвеня, 17:02
У Мінсельгасхарчы расказалі, як засуха паўплывала на пасевы
20 чэрвеня, 15:01
Поўная версія