21 снежня, Мінск /Кар. БЕЛТА/. Беларусь перадала ў следчыя органы Расіі дзясяткі фактаў па фальсіфікацыі сваёй прадукцыі, паведаміў сёння на сумесным пасяджэнні палат беларускага парламента віцэ-прэм'ер Міхаіл Русы, адказваючы на пытанне старшыні Савета Рэспублікі Міхаіла Мясніковіча, перадае карэспандэнт БЕЛТА.
"Мы перадалі ў следчыя органы Расіі дзясяткі фактаў па фальсіфікацыі. Работа па ўсіх напрамках павінна весціся і вядзецца. Пытанне даволі тонкае", - сказаў Міхаіл Русы.
Віцэ-прэм'ер адзначыў, што ў механізмах урэгулявання пытанняў да якасці прадукцыі ёсць у тым ліку і заканадаўчыя прабелы. Паводле слоў Міхаіла Русага, беларускія спецыялісты знаходзяцца ў Расіі і вядуць адпаведныя перагаворы. Ён выказаў надзею, што неабходнае рашэнне будзе знойдзена.-0-
