Поўная версія

Беларусь мае намер захаваць аб'ёмы паставак малочнай прадукцыі ў Расію на ўзроўні 2017 года - Мінсельгасхарч

Эканоміка 25.04.2018 | 11:53
Фота з архіва
Фота з архіва

25 красавіка, Мінск /Кар. БЕЛТА/. Беларусь мае намер захаваць аб'ёмы паставак малочнай прадукцыі ў Расію на ўзроўні 2017 года, паведаміў карэспандэнту БЕЛТА начальнік галоўнага ўпраўлення знешнеэканамічнай дзейнасці Мінсельгасхарча Беларусі Аляксей Багданаў.

Учора адбыліся чарговыя перагаворы на экспертным узроўні з Мінсельгасам Расіі ў фармаце відэаканферэнцыі з удзелам прадстаўнікоў пасольства Расіі ў Беларусі. На нарадзе беларускі бок прадставіў сваё бачанне праблемы функцыянавання малочнага рынку дзвюх краін. "Прадстаўленая інфармацыя прадэманстравала беспадстаўнасць прэтэнзій да беларускіх вытворцаў малака ў дэмпінгу на рынку Расіі. Акрамя таго, у час перагавораў зблізіліся пазіцыі бакоў у разуменні неабходнасці ўдасканалення сістэмы ўліку экспарту малочнай прадукцыі, маніторынгу цэнаўтварэння, прыняцця мер па забеспячэнні малочнага рынку Саюзнай дзяржавы ў першую чаргу за кошт расійскіх і беларускіх вытворцаў на падставе распрацоўваемых і зацвярджаемых прагнозных балансаў попыту і прапанавання. Прапанова расійскага боку аб выпрацоўцы нейкага механізма рэгулявання і кантролю агульнага малочнага рынку будзе ўсебакова разгледжана беларускім бокам. Акрамя таго, беларускі бок настойвае на захаванні аб'ёмаў паставак малочнай прадукцыі на расійскі рынак на ўзроўні 2017 года з-за існуючага дэфіцыту малака і планаў Расіі па імпарце з трэціх краін", - сказаў Аляксей Багданаў.

Чарговыя кансультацыі на тэхнічным узроўні адносна прапановы расійскага боку запланаваны ў фармаце відэаканферэнцыі на 26 красавіка. Візіт расійскай дэлегацыі ў Мінск, запланаваны на 25-26 красавіка, перанесены на перыяд пасля майскіх свят.-0-

Навіны рубрыкі Эканоміка
Прадпрыемствы "Беллегпрама" прадставяць Беларусь на "Еўразійскім тыдні" ў Арменіі
19 кастрычніка, 18:05
Наглядальны савет Беларусбанка ўзначаліў Аляксандр Турчын
19 кастрычніка, 17:04
Беларусь прадставіць інвестыцыйны патэнцыял на форуме ў Жэневе
19 кастрычніка, 11:01
Аляксандр Шумілін. Фота з архіва Шумілін: сістэма прагназавання дасць магчымасць Беларусі вызначыць перспектыўныя сектары эканомікі
19 кастрычніка, 09:46
РФ дадаткова пералічыць Беларусі больш як $400 млн у якасці пошлін на нафту
19 кастрычніка, 09:17
ЕБРР, ЕІБ і Сусветны банк пачынаюць новае даследаванне прадпрыемстваў у Беларусі
18 кастрычніка, 19:36
Дзмітрый Матусевіч. Фота з архіва У Беларусі перафармаціруюць сістэму падтрымкі малога і сярэдняга прадпрымальніцтва
18 кастрычніка, 17:54
Рассельгаснагляд інспектуе беларускіх вытворцаў таматаў і пекінскай капусты
18 кастрычніка, 13:49
Эксперты ўзгодняць беларуска-індыйскі пратакол па далучэнні Беларусі да СГА
18 кастрычніка, 13:46
Поўная версія