Поўная версія

Беларусь і Чэхія будуць часцей праводзіць мерапрыемствы па развіцці сельгассупрацоўніцтва

Эканоміка 13.09.2017 | 14:50
У час сустрэчы. Фота МЗС
У час сустрэчы. Фота МЗС

13 верасня, Мінск /Кар. БЕЛТА/. Беларусь і Чэхія пашыраць практыку правядзення двухбаковых мерапрыемстваў па развіцці супрацоўніцтва ў сельскагаспадарчай сферы. Такая дамоўленасць была дасягнута 12 верасня на сустрэчы Надзвычайнага і Паўнамоцнага Пасла Беларусі ў Чэхіі Валерыя Курдзюкова з міністрам сельскай гаспадаркі Чэхіі Марыянам Юрэчкам, паведамілі БЕЛТА ў прэс-службе МЗС.

"Бакі абмеркавалі перспектывы супрацоўніцтва Беларусі і Чэхіі ў галіне сельскай гаспадаркі, дзейнасць беларуска-чэшскай рабочай групы па сельскай гаспадарцы і згадзіліся пашыраць практыку правядзення двухбаковых мерапрыемстваў", - расказалі ў ведамстве.

Сустрэча прайшла ў рамках візіту дэлегацыі малакаперапрацоўчых прадпрыемстваў Беларусі ў Чэхію, у час якога яны плануюць азнаёміцца з чэшскім абсталяваннем для сельскагаспадарчай і харчовай прамысловасці.

У гэты ж дзень Валерый Курдзюкоў сустрэўся з дырэктарам дэпартамента знешнеэканамічнай палітыкі Міністэрства прамысловасці і гандлю Чэхіі Марцінам Поспішылам. Бакі абмеркавалі пытанні правядзення бізнес-дня Беларусі ў час міжнароднай машынабудаўнічай выстаўкі MSV 2017 у Брно, а таксама новыя фарматы і пляцоўкі для правядзення мерапрыемстваў дзелавых колаў дзвюх краін.

Асаблівая ўвага была ўдзелена перспектывам развіцця міжрэгіянальнага супрацоўніцтва, рэалізацыі дамоўленасцей, дасягнутых на 9-м пасяджэнні беларуска-чэшскай змешанай камісіі па эканамічным, прамысловым і навукова-тэхнічным супрацоўніцтве.-0-

Навіны рубрыкі Эканоміка
Беларускія прадукты харчавання прадстаўлены на выстаўцы Gulfood 2018 у Дубаі
Учора 19:55
Дакументы па дэкрэце нумар 7 у сферы будаўніцтва будуць прыняты ў канцы лютага - пачатку сакавіка
Учора 13:39
Савет па развіцці прадпрымальніцтва прапануе павысіць ролю грамадска-кансультатыўных саветаў
Учора 12:35
Фота з архіва Беларусь абмяжоўвае ўвоз птушкі з рэгіёнаў Францыі і ПАР з-за птушынага грыпу
Учора 12:27
Маштабная выстаўка беларускіх вытворцаў пройдзе ў красавіку ў Кіеве
Учора 12:00
Мінфін разлічвае на прыцягненне на міжнародных рынках капіталу $1 млрд штогод
Учора 11:48
Беларусь і Турцыя могуць перайсці ва ўзаемным гандлі на разлікі ў нацыянальных валютах
18 лютага, 21:55
Мінэканомікі ў 2018 годзе пачынае распрацоўку стратэгіі ўстойлівага развіцця да 2035 года
18 лютага, 17:07
У Беларусі ў 2018 годзе плануюць пабудаваць каля 900 тыс. кв. м жылля з дзяржпадтрымкай
16 лютага, 18:15
Поўная версія