16 сакавіка, Мінск /Кар. БЕЛТА/. Пастановай Савета Міністраў ад 15 сакавіка 2018 года нумар 200 зацверджаны план фінансавання адкрытым акцыянерным таварыствам "Банк развіцця Рэспублікі Беларусь" дзяржаўных праграм і мерапрыемстваў у 2018 годзе. Аб гэтым паведамілі БЕЛТА ў прэс-службе беларускага ўрада.
Усяго прадугледжана выдзяленне Br1283,33 млн.
Банк развіцця будзе ажыццяўляць недырэктыўнае крэдытаванне арганізацый, якія рэалізуюць інвестыцыйныя праекты, накіраваныя на стварэнне і развіццё сацыяльнай інфраструктуры. Таксама будуць пракрэдытаваны арганізацыі, якія рэалізуюць інвестпраекты, накіраваныя на стварэнне і развіццё транспартнай і інжынернай інфраструктуры.-0-
