15 мая, Тэль-Авіў /Святлана Сухарко - БЕЛТА/. Спявачка ZENА, якая ў гэтым годзе прадстаўляе Беларусь на міжнародным конкурсе "Еўрабачанне-2019", прайшла ў фінал песеннага форуму. Такія вынікі першага паўфіналу, які адбыўся 14 мая ў Expo Tel Aviv, паведамляе карэспандэнт БЕЛТА.
Выступленне самай юнай удзельніцы песеннага форуму было яркім і запамінальным, як і сама песня "Like it".
Другі паўфінал песеннага форуму адбудзецца 16 мая, фінал - 18 мая.
Ізраіль праводзіць "Еўрабачанне" трэці раз. Раней ён прымаў песенны форум у 1979 і 1999 гадах. Слоган "Еўрабачання-2019" - Dare To Dream ("Не бойся марыць").-0-