Поўная версія

Выстава "Родны кут Песняра" ў Вільнюсе адпраўляе ў падарожжа па коласаўскіх мясцінах

Культура 12.10.2017 | 18:10
Літаратурны музей А. Пушкіна ў Вільнюсе
Літаратурны музей А. Пушкіна ў Вільнюсе

12 кастрычніка, Мінск /Кар. БЕЛТА/. Фотаздымкі з фондаў Дзяржаўнага літаратурна-мемарыяльнага музея Якуба Коласа па мясцінах яго жыцця і творчасці прадстаўлены на выставе "Родны кут Песняра" ў Вільнюсе, паведамілі БЕЛТА ў музеі.

У Літаратурным музеі А. Пушкіна адкрылася часовая экспазіцыя, прысвечаная 135-годдзю з дня нараджэння Якуба Коласа. Аснову выставы складаюць фотаздымкі знакавых і прыгожых мясцін радзімы Коласа ў Стаўбцоўскім раёне Мінскай вобласці, з вялікай любоўю апетых ім у сваіх творах. Там захаваны і адноўлены чатыры сядзібы, дзе жыла сям'я паэта. Яго "родны кут" Акінчыцы, дзе 3 лістапада 1882 года нарадзіўся будучы класік беларускай літаратуры, куткі дзяцінства і юнацтва - Ласток і Альбуць, Смольня, у якой Якуб Колас упершыню сустрэўся з Янкам Купалам. У 1972 годзе створаны Коласаўскі мемарыяльны заказнік, які аб'яднаў усе гэтыя мясціны.

Стаўбцоўска-наднёманскія пейзажы натхнялі паэта, запаўнялі душу лірычным настроем яднання з прыродай. Гэтыя віды дапамагаюць глыбей зразумець яго творчасць.

Значную частку жыцця класік правёў у сталіцы Беларусі, яго пасляваенная сядзіба стала мемарыяльным музеем. Памятныя мясціны Мінска таксама трапілі ў фотааб'ектыў і прадстаўлены на выставе.-0-

Навіны рубрыкі Культура
Фота з архіва У Дзень роднай мовы NaviBand прэзентавалі сумесную работу з Меліцінай Станютай
09:54
Паслы Вялікабрытаніі, Ізраіля і Румыніі прачыталі вершы беларускіх класікаў да Дня роднай мовы
Учора 17:47
Беларуская кніга будзе шырока прадстаўлена на выстаўцы-кірмашы ў Вільнюсе
Учора 13:22
Брэсцкі тэатр лялек падрыхтаваў прэм'еру эксперыментальнага спектакля "Мой тата - птах"
Учора 11:04
У XXV Мінскай міжнародной кніжнай выстаўцы-кірмашы прымуць удзел 32 краіны
20 лютага, 18:41
Сербія стане пачэсным госцем на XXV Мінскай міжнароднай кніжнай выстаўцы-кірмашы
20 лютага, 18:07
Першыя тры дні білеты на "Славянскі базар" будуць прадавацца толькі ў касах Віцебска
20 лютага, 17:21
МЕРКАВАННЕ: Турызм можа стаць крыніцай развіцця культурнага патэнцыялу краіны
20 лютага, 15:37
Праект указа аб стымуляванні кінематаграфіі накіраваны на падтрымку якаснага кіно - Бондар
20 лютага, 14:45
Поўная версія