Сцяг Пятніца, 29 сакавіка 2024
Усе навіны
Усе навіны
Культура
28 мая 2018, 16:15

Выстаўка касцюма і народных промыслаў В'етнама адкрыецца 13 чэрвеня ў Гістарычным музеі Беларусі

28 мая, Мінск /Кар. БЕЛТА/. Выстаўка касцюма і народных промыслаў В'етнама адкрыецца 13 чэрвеня ў Нацыянальным гістарычным музеі Беларусі, паведамілі карэспандэнту БЕЛТА ў музеі.

Экспазіцыя стане адным з мерапрыемстваў Дзён культуры Сацыялістычнай Рэспублікі В'етнам у Беларусі, адзначылі ва ўстанове.

На выстаўцы "Нацыянальны касцюм і народныя промыслы В'етнама" будзе прадстаўлена калекцыя традыцыйных лакафарбавых вырабаў, вырабы з бамбуку і ратангу, знакамітая кераміка з вёскі Батчанга, вядомая з XV стагоддзя. Асобны раздзел складуць 20 касцюмаў этнічных груп В'етнама. Розныя рэгіёны краіны прадстаўлены калекцыяй лялек у этнічных касцюмах, а таксама многімі іншымі вырабамі з шоўку і парчы.

Выстаўка прадастаўляе магчымасць лепш зразумець і палюбіць традыцыйную культуру В'етнама, што ствараецца таленавітымі майстрамі гэтай краіны.

Народныя промыслы В'етнама маюць даўнія традыцыі. Яны звязаны з месцамі пражывання людзей - вёскамі і нават асобнымі вуліцамі - і праяўляюцца ў іх вырабах, бездакорных па выкананні. У вёсках пражываюць таленавітыя мастакі і майстры, якія захоўваюць сваю культурную самабытнасць - квінтэсенцыю рамяства і мастацтва. Менавіта таму кожны твор вызначаецца ўласнай ідэнтычнасцю, змяшчае непаўторныя эмоцыі. Работы майстроў далёка вядомыя за межамі В'етнама і набылі папулярнасць як у краінах Паўднёва-Усходняй Азіі, так і ў іншых кутках планеты, інтэгруючыся ў сусветную культуру.-0-

Падпісвайцеся на нас у
Twitter
Топ-навіны
Свежыя навіны Беларусі