15 ліпеня, Віцебск /Кар. БЕЛТА/. Віцебск прадаўжае прымаць галоўную культурную падзею 2019 года - "Славянскі базар". XXVIII Міжнародны фестываль мастацтваў праходзіць у горадзе над Дзвіной з 11 па 15 ліпеня. Дадатковыя мерапрыемствы запланаваны на 16-17 ліпеня.
У гэтыя дні з раніцы і да ночы Віцебск уяўляе сабой адну вялікую сцэну для свята мастацтва ва ўсіх яго праяўленнях. На канцэртных пляцоўках змяняюць адна адну праграмы вядомых артыстаў эстрады, музыкантаў, джазавых і класічных выканаўцаў. А на вуліцах да фестывальнага інтэрактыву далучаюць публіку мастакі і перформеры, кавер-бэнды і індзі, рок-групы, акцёры і танцоры.
Усё самае цікавае не застаецца без увагі і нашых карэспандэнтаў. Асноўныя падзеі "Славянскага базару ў Віцебску" - у аглядзе БЕЛТА.
Тэхнiчнае забеспячэнне - БЕЛТА