15 сакавіка, Мінск /Кар. БЕЛТА/. Прадстаўнікоў Беларусі на конкурсах XXVI Міжнароднага фестывалю мастацтваў "Славянскі базар у Віцебску" назавуць 18 сакавіка, паведамілі карэспандэнту БЕЛТА ў Міністэрстве культуры Беларусі.
Фіналы адборачных тураў да XV Міжнароднага дзіцячага музычнага конкурсу і XXVI Міжнароднага конкурсу выканаўцаў эстраднай песні "Віцебск-2017" адбудуцца ў Тэатры эстрады ў Мінску.
За права прадставіць Беларусь на XXVI Міжнародным конкурсе выканаўцаў эстраднай песні "Віцебск-2017" будуць спаборнічаць 10 вакалістаў:
1. Бараноўская Марына (Віцебская вобл.);
2. Ермакоў Кірыл (Мінск);
3. Замулка Ірына (Брэст);
4. Жукоўская Ніна (Мінск);
5. Ларчанка Злата (Мінская вобл.);
6. Лушчык Настасся (Мінская вобл.);
7. Падгруша (Сяргейчык) Алеся (Мінская вобл.);
8. Правашынская Дар'я (Магілёўская вобл.);
9. Сычэўская Кацярына (Брэсцкая вобл.);
10. Шаранкоў Ягор (Мінск).
У дзясятку прэтэндэнтаў на ўдзел у XV Міжнародным дзіцячым музычным конкурсе "Віцебск-2017" увайшлі:
1. Віталс Алеся (Мінская вобл.);
2. Дудар Марыя (Светлагорск, Гомельская вобл.);
3. Жыліна Марыя (Мінск);
4. Ламака Ангеліна (Мінск);
5. Магільная Марыя (Магілёў);
6. Машэўскі Кірыл (Брэст);
7. Пехцерава Арына (Магілёў);
8. Скароль Арцём (Гродзенская вобл.);
9. Смірнова Стафанія (Мінск);
10. Хмялеўская Анфіса (Мінск).
Фіналы адборачных тураў бягучага года пройдуць у фармаце канцэрта. Білеты можна набыць у касе Тэатра эстрады, касах горада і на сайтах электронных білетных аператараў. Акрамя канкурсантаў на сцэну выйдуць вядомыя артысты, сярод якіх Іна Афанасьева, Алёна Ланская і Вікторыя Алешка, Васіль Раінчык і легендарны ансамбль "Верасы", Пётр Ялфімаў, Аляксандр Сухараў. Таксама выступяць юныя таленты, якія прывозілі перамогі з міжнародных конкурсаў і шоу-праектаў, такіх як "Еўрабачанне", "Голас. Дзеці".
Тэлеверсіі можна будзе ўбачыць 25 і 26 сакавіка ў 12.10 на тэлеканале "Беларусь 3".
XXVI Міжнародны фестываль мастацтваў "Славянскі базар у Віцебску" пройдзе з 13 па 17 ліпеня (дадатковыя мерапрыемствы адбудуцца 11-12 і 18-19 ліпеня).-0-
