1 лістапада, Віцебск /Андрэй Шчарбіцкі - БЕЛТА/. З 1 лістапада генеральным дырэктарам Цэнтра культуры "Віцебск" і дырэктарам міжнароднага фестывалю мастацтваў "Славянскі базар у Віцебску" назначаны Глеб Лапіцкі, паведамілі БЕЛТА ў дзяржаўнай установе.
Калектыву новага кіраўніка прадставіла начальнік аддзела культуры Віцебскага гарвыканкама Наталля Шыянок.
Да гэтага назначэння малады кіраўнік працаваў начальнікам галоўнага ўпраўлення па культуры і грамадскай рабоце апарату Савета Федэрацыі прафсаюзаў Беларусі.
Глеб Лапіцкі нарадзіўся ў 1988 годзе ў Віцебску. У 2011 годзе скончыў Віцебскую дзяржаўную акадэмію ветэрынарнай медыцыны, у 2014 годзе - Беларускі дзяржаўны ўніверсітэт культуры і мастацтваў, навучаецца ў Акадэміі кіравання пры Прэзідэнце Рэспублікі Беларусь.-0-
Фота gck.by