24 мая, Віцебск /Алёна Ціханава - БЕЛТА/. Музычную суботу пад адкрытым небам арганізуюць у Полацку 27 мая, паведамілі БЕЛТА ў Полацкім райвыканкаме.
Канцэрт адбудзецца ў дворыку Полацкай дзіцячай школы мастацтваў (вуліца Камуністычная, 7). "Мерапрыемства стане падарункам гораду-юбіляру ў год яго 1155-годдзя, і, безумоўна, парадуе жыхароў, гасцей і шматлікіх полацкіх турыстаў", - падкрэслілі ў выканкаме.
У канцэрце, які будзе мець два аддзяленні, прагучаць дывертысменты Моцарта, а таксама інструментальныя і песенныя хіты 70-90-х гадоў мінулага стагоддзя. Выканаюць музычныя творы камерны аркестр "Еўропа-Цэнтр" пад кіраўніцтвам Раіля Садыкава і "КЮ-квінтэт".-0-
