Сцяг Пятніца, 29 сакавіка 2024
Усе навіны
Усе навіны
Культура
23 сакавіка 2017, 15:10

Купалаўскі тэатр плануе восенню гастролі ў Кітай

23 сакавіка, Мінск /Кар. БЕЛТА/. Купалаўскі тэатр плануе гэтай восенню гастролі ў Кітай, паведаміў на прэс-канферэнцыі генеральны дырэктар Нацыянальнага акадэмічнага тэатра імя Янкі Купалы Павел Палякоў, перадае карэспандэнт БЕЛТА.

У 2016 годзе Купалаўскі тэатр уключаны ў асацыяцыю "Шаўковы шлях" у Кітаі, куды ўваходзяць 65 краін. Восенню плануюцца гастролі ў Пекіне, і цяпер ідзе абмеркаванне з кітайскім бокам гастрольных пастановак, прадугледжваецца шэсць паказаў спектакляў.

Тэатр таксама атрымаў запрашэнне ў Львоў на фестываль нацыянальных тэатраў, які пройдзе ў лістападзе. Там плануецца паказаць "Пінскую шляхту".

Беларускія гледачы ж восенню змогуць убачыць на падмостках Купалаўскага тэатра гасцей з Санкт-Пецярбургскага тэатра "Прытулак камедыянта".

Павел Палякоў дадаў, што ў мінулым годзе адноўлена традыцыя пастановак дзіцячага спектакля, гледачы змаглі ўбачыць прэм'еру "Крышталёвы туфлік".-0-

Падпісвайцеся на нас у
Twitter
Топ-навіны
Свежыя навіны Беларусі