16 лістапада, Мінск /Кар. БЕЛТА/. Карціна Леанарда Да Вінчы "Збавіцель свету" прададзена на аўкцыёне Christie's у Нью-Ёрку за $400 млн, паведамляюць інфармагенцтвы.
Агульны кошт карціны, уключаючы падаткі і зборы, перасягне $450 млн, што робіць яе самым дарагім прадметам мастацтва, які калі-небудзь прадаваўся на аўкцыёне. Перад таргамі твор ацэньваўся ў памеры $100 млн.
Лічыцца, што карціна "Збавіцель свету" была напісана каля 1500 года. Доўгі час яна лічылася страчанай. На палатне паказаны Хрыстос у нябесна-сінім убранні, які правай рукой благаслаўляе, а левай утрымлівае празрысты шар.-0-