Сцяг Чацвер, 28 сакавіка 2024
Усе навіны
Усе навіны
Культура
05 красавіка 2019, 15:52

Група "Аўра" рыхтуе канцэрт для свята "Купалле" ў Александрыі

5 красавіка, Мінск /Кар. БЕЛТА/. Лаўрэаты прэміі "За духоўнае адраджэнне" Яўген Алейнік і Юлія Быкава рыхтуюць канцэрт для свята "Купалле" ў Александрыі, на якім прагучаць песні з альбома "Куточак Беларусі" ў выкананні зорак беларускай эстрады. Аб гэтым расказаў карэспандэнту БЕЛТА лідар групы "Аўра", прадзюсар, кампазітар Яўген Алейнік.

"Я рады, што нам даверылі правядзенне вялікага канцэрта. Усе нашы 27 песень з альбома "Куточак Беларусі" цэльныя, і праграма, якую мы прадставім, будзе дастойнай. Пакуль яна мае рабочую назву "Зроблена ў Беларусі". Мы хочам зрабіць такое шоу, якое здзівіла і захапіла б нашых гледачоў - беларусаў і гасцей нашай краіны", - сказаў Яўген Алейнік.

Ён адзначыў, што сусветныя зоркі, якія выступаюць на вялікіх пляцоўках Беларусі, заўсёды спяваюць ужывую. "Таму і мы хочам зрабіць праграму, выкананую ўжывую. Для гэтага задзейнічаем 30-40 музыкантаў, якія будуць акампаніраваць усім артыстам. Дарэчы, у нашым шоу прымуць удзел Анатоль Ярмоленка, Іна Афанасьева, Аляксандр Саладуха, Вікторыя Алешка, група "Дразды", Іскуі Абалян, маладыя артысты. Мы пастараемся зрабіць канцэрт цэльным, вельмі дынамічным і душэўным", - падкрэсліў кампазітар.

Паводле яго слоў, рэжысёр-пастаноўшчык праекта - Агата Мацко, харэограф - Вольга Шамрова, дызайнер сцэны - Юрый Барысевіч, дызайн кантэнту стварае Дзмітрый Сімага. "Будзе працаваць вялікая каманда, якая прыкладзе максімум намаганняў для таго, каб людзі паверылі ў беларускую эстраду. Для ўсіх нас гэта экзамен, які мы спадзяёмся вытрымаць на выдатна", - сказаў ён.

Свята "Купалле" ("Александрыя збірае сяброў") плануецца правесці 6-7 ліпеня. Яго галоўная тэма - трохгоддзе малой радзімы і II Еўрапейскія гульні. Традыцыйна асноўнымі мерапрыемствамі свята стануць цырымонія адкрыцця, канцэрты на малой і галоўнай сцэнах, гандаль на імправізаваных кірмашовых вуліцах, начная дыскатэка, ушаноўванне перадавікоў аграпрамысловага комплексу.-0-

Падпісвайцеся на нас у
Twitter
Топ-навіны
Свежыя навіны Беларусі