22 мая, Мінск /Кар. БЕЛТА/. Дабрачынны канцэрт да Міжнароднага дня абароны дзяцей пройдзе ў "Мінск-арэне" 25 мая, паведамілі БЕЛТА арганізатары.
У канцэрце прымуць удзел зоркі беларускай і расійскай эстрады: Сасо Паўліяшвілі, народная артыстка Беларусі Ядвіга Паплаўская, заслужаная артыстка Беларусі Іна Афанасьева, Настасся Ціхановіч, Іскуі Абалян, Тэа і Вольга Рыжыкава, Герман, Вольга Плотнікава, Ларыса Грыбалёва, Галіна Шышкова, Валерый Дайнэка, Руслан Міткевіч, UZARI, Надзея Місякова, кубінскі дуэт Барбара і Эдуарда, Вадзім Мезга, шоу "Алюр", арт-група "Натхненне", Аrt-Fashion Асаdemy MADEMOISELLE ADR`I, а таксама дзіцячыя творчыя калектывы.
Гэта ўжо дзясяты па ліку дабрачынны канцэрт, які праводзяць у Мінску дабрачынныя фонды "Дакрананне да жыцця" і "Крыніца дабрыні".
Мерапрыемства праводзіцца пры падтрымцы міністэрстваў аховы здароўя, адукацыі, культуры, інфармацыі, працы і сацыяльнай абароны, Камітэта па адукацыі Мінскага гарадскога выканаўчага камітэта, Рэспубліканскага дзяржаўна-грамадскага аб'яднання "Прэзідэнцкі спартыўны клуб", ТАА "Беларускі саюз жанчын". Арганізатарам выступае заслужаны калектыў Беларусі "Музычная капэла "Санорус" Мінскай вобласці".-0-