Сцяг Чацвер, 28 сакавіка 2024
Усе навіны
Усе навіны
Культура
23 мая 2017, 15:33

Беларускія майстры мастацтваў прадставілі праграму Дзён культуры ў Камбоджы

23 мая, Мінск /Кар. БЕЛТА/. Беларускія майстры мастацтваў прадставілі праграму ў Камбоджы, паведамілі БЕЛТА ў Міністэрстве культуры Беларусі.

У Каралеўстве Камбоджа з 20 па 23 мая праходзяць Дні культуры Беларусі. У Пнампені ў канцэртнай зале 21 мая адбылося іх адкрыццё. На цырымоніі гасцей віталі намеснік міністра культуры Беларусі Васіль Чэрнік, які ўзначальвае афіцыйную дэлегацыю Беларусі, і міністр культуры і выяўленчага мастацтва і музыкі Камбоджы. Гаспадары прадставілі невялікую канцэртную праграму: выступіў танцавальны калектыў Міністэрства культуры і выяўленчага мастацтва і музыкі.

Як адзначыў Васіль Чэрнік, народы Беларусі і Камбоджы маюць гістарычны вопыт і багатыя культурныя традыцыі, знаёмства з нацыянальнай спадчынай краін здольна ўзаемна ўзбагаціць культуры. "Дзякуючы старажытным традыцыям і высокаму ўзроўню культуры Камбоджы ўдалося перажыць усе цяжкія часы і захаваць сваю ўнікальнасць. Беларускі народ таксама вылучаецца сваёй арыгінальнай самабытнай культурай, карані якой ідуць у векавую гісторыю", - сказаў намеснік міністра. Ён выказаў надзею, што правядзенне абменных Дзён культуры стане добрай традыцыяй, якая паслужыць укладам у пашырэнне і ўмацаванне дружбы паміж народамі дзвюх краін.

Камбаджыйскія гледачы цёпла прымалі выступленні Дзяржаўнага ансамбля танца Беларусі, заслужанай артысткі Беларусі салісткі маладзёжнага тэатра эстрады Вікторыі Алешка. Перад пачаткам канцэрта адкрылася выстаўка Нацыянальнага гістарычнага музея "Беларусь і беларусы" і персанальная выстаўка беларускага мастака Васіля Ясюка.-0-

Падпісвайцеся на нас у
Twitter
Топ-навіны
Свежыя навіны Беларусі