Поўная версія

Арыгіналы і факсіміле першадрукаваных кніг ХV-XVII стагоддзяў будуць экспанавацца на выстаўцы ў НББ

Культура 13.09.2017 | 15:49
Фота з архіва
Фота з архіва

13 верасня, Мінск /Кар. БЕЛТА/. Арыгіналы і факсіміле першадрукаваных кніг ХV-XVII стагоддзяў з сямі краін будуць экспанавацца на міжнароднай выстаўцы "Францыск Скарына і яго эпоха", прысвечанай 500-годдзю беларускага кнігадрукавання ў Нацыянальнай бібліятэцы Беларусі, паведамілі карэспандэнту БЕЛТА ў НББ.

Выстаўка "Францыск Скарына і яго эпоха" пераносіць на 500 гадоў таму, у тыя часы, калі кнігадрукаванне толькі зараджалася: з'явіліся першыя друкарскія станкі, а прывычныя руцэ перапісчыка пяро і чарніліца адышлі на другі план. У справе кнігадрукавання ў многіх краін свае героі: Іван Фёдараў - у Расіі, Прымаж Трубар - у Славеніі, Уільям Кекстан - у Англіі. У Беларусі, вядома ж, Францыск Скарына.

У экспазіцыі сабраны арыгіналы і факсіміле першадрукаваных кніг ХV-XVII стагоддзяў, прывезеныя з Германіі, Латвіі, Польшчы, Расіі, Славакіі і Славеніі. Экспанаты ўражваюць, у прыватнасці з Германіі прыехала 42-радковая Біблія Іагана Гутэнберга 1450-х гадоў. Цэнтральнае месца адведзена арыгінальным выданням Францыска Скарыны з фондаў Нацыянальнай бібліятэкі Беларусі, якія ўбачылі свет у Празе і Вільні ў 1517-1525 гадах.

На выстаўцы можна шмат што даведацца аб першадрукару Францыску Скарыну. На "Кінапляцоўцы" ў рэжыме нон-стоп будуць трансліравацца фільмы аб ім, прадстаўлена падборка кніг для аўдыторыі розных узростаў. Наведвальнікі змогуць перанесціся ў друкарскую майстэрню XVI стагоддзя пры дапамозе шлема віртуальнай рэальнасці, а таксама атрымаюць магчымасць папрацаваць за ўзноўленым друкарскім станком Францыска Скарыны і параўнаць з працэсам на сучасным станку і 3D-прынтары.

На дзіцячай пляцоўцы можна паўдзельнічаць у майстар-класах і гульнях, папоўніць багаж ведаў на нясумных тэматычных уроках, а таксама ажыццявіць інтэрактыўнае падарожжа па гарадах і краінах, дзе Францыск пакінуў свой след. Для дзяцей падрыхтаваны незвычайныя пазлы, размалёўкі, пазнавальныя віктарыны.

Урачыстае адкрыццё выстаўкі адбудзецца 14 верасня, а для наведвальнікаў экспазіцыя стане даступная з 15 верасня і будзе працаваць да 31 снежня. Яе арганізатарамі выступаюць Міністэрства культуры і Нацыянальная бібліятэка Беларусі.-0-

Навіны рубрыкі Культура
Фота з архіва Майстар-класы для маладых музыкантаў з Беларусі і Расіі пройдуць у Маскоўскай кансерваторыі
22 верасня, 16:02
Заяўкі на ўдзел у IV Калядным конкурсе вакалістаў у Мінску прымаюцца да 22 кастрычніка
22 верасня, 15:13
"ТЭАРТ" прадстаўляе спектаклі, якія пашыраюць свядомасць, - арганізатары
21 верасня, 16:58
За ўзнагароды першага Мінскага міжнароднага фестывалю цыркавога мастацтва пазмагаюцца артысты з 16 краін
21 верасня, 16:24
Французскія меладрамы пакажуць 22-23 верасня ў Верхнім горадзе Мінска
21 верасня, 16:16
Прэм'ера фільма "Скарына. Дзеля Бога і людзей" адбудзецца на "Беларусь 3" 28 верасня
21 верасня, 13:46
Евангелле 1600 года Адрэстаўрыраванае Евангелле 1600 года можна ўбачыць на выстаўцы ў НММ
21 верасня, 12:44
Выстаўка работ пленэру памяці Жукоўскага адкрыецца 22 верасня ў Мінску
20 верасня, 18:02
Творчая сустрэча з вядомым французскім харэографам Анжэленам Прэльжакажам пройдзе ў Мінску
20 верасня, 12:11
Поўная версія